Sastdiņ 30. septembrī, sešuos stuņdēs vokorā Kulturys centra zalā (Školys īlā 5, Vacvuorkovā) vysi aicynuoti iz vakarēšonu. Vokora gaitā latgalīšu kulturys entuziasts Armans Kūceņš pastuosteis par Sibirejā dzeivojūšajim vuorkavīšim, kuri 1899. godā aizbrauce dzeivuot iz Tomskys apgobola Kryvašeinys rajonu. Ekspedicejis laikā ir pīfiļmāti video i sataiseitys biļdes, kurys vokorā tiks vysim paruodātys. Īspiejams, ka Sibirejā dzievojūšī latgalīši ar pavuordem Dambeits, Dolgais, Gavars, Lozdāns, Onckuļs, Plyuda, Pluoņs, Pūdžs, Rusiņs, Spūļs, Strods, Šnepsts, Vaivods, Vonogs, Vuolonts i Zeile ir niulinejūs Vuorkovys nūvoda dzeivuotuoju rodi.

Latvejis Universiteta Latvīšu volūdys instituta pietneica Sanda Rapa pastuosteis par vītvuordu tolku i instituta pietejumim. Daudzi godu garumā jei pietej dažaidu vītu vītvuordu nūsaukumus i tūs izaceļšonu.

Iz vakareišonu aicynuoti ir vysi, kurim iņteresej volūdys i viesturis vaicojumi. Taipoš gosti gryb dzierdēt ari Vuorkovys nūvoda dzeivuotuoju stuostus, dzīsmis, folkloru i c. Iz itū šaļti jau asam apzynovuš naz cik cylvāku, kuri gryb i var pastuosteit pietnīkim nūdereigu informaceju, tok vysleidze aicynojam atsasaukt ari cytus! Vaira informacejis zvonūt pa tel, nr. 20385972 (Dagneja).